ஆண்டிகுவா: விண்டீஸ் அணிக்கெதிரான முதல் ஒருநாள் போட்டியில், முதலில் பேட்டிங் செய்த இலங்கை அணி, 49 ஓவர்களில் 10 விக்கெட்டுகளை இழந்து 232 ரன்களை எடுத்துள்ளது.
விண்டீஸில் சுற்றுப்பயணம் செய்து வருகிறது இலங்கை அணி. ஏற்கனவே நடந்து முடிந்த டி-20 தொடரை விண்டீஸ் அணி கைப்பற்றியது. இந்நிலையில், இரு அணிகளுக்குமான 3 போட்டிகள் கொண்ட ஒருநாள் தொடர் ஆரம்பமாகியுள்ளது.
முதல் போட்டியில் டாஸ் வென்ற இலங்கை, பேட்டிங் செய்ய தீர்மானித்தது. அந்த அணியில் குணதிலகா, கருணரத்னே மற்றும் பந்தரா ஆகிய மூவரும் அரைசதம் அடித்தனர். மற்றவர்கள் சோபிக்காத காரணத்தால், அந்த அணி 49 ஓவர்களில் ஆட்டமிழந்து 232 ரன்களையே எடுத்துள்ளது.
முதல் ஒருநாள் போட்டியில் வெற்றிபெற, விண்டீஸ் அணி 233 ரன்கள் எடுக்க வேண்டும்.