சென்னை: தமிழக பாஜக சார்பில் தேர்தல் நிர்வாகக்குழுக்கள் அறிவிக்கப்பட்டு உள்ளது. இதில் மாநில தலைவர் முருகன், அண்ணாமலை, எச்.ராஜா ஆகியோர் இடம்பெற்றுள்ளனர்.
தமிழக சட்டப்பேரவை தேர்தல் ஓரிரு மாதங்களில் நடைபெற உள்ளது. இந்த மாத இறுதியில் தேர்தல் அறிவிக்கப்பட வாயப்பு உள்ளது. இந்த நிலையில், தேர்தலுக்கான பணிக்குழு பொறுப்பாளர்களை நியமனம் செய்து பாஜக பட்டியல் வெளியிட்டுள்ளது.
அதன்படி, மாநிலத் தலைவர் எல்.முருகன் தலைமையில் 34 குழுக்கள் அமைக்கப்பட்டுள்ளன.
தேர்தல் ஒருங்கிணைப்புப் பணிக்கு சக்கரவர்த்தியும்,
தேசிய ஜனநாயகக் கூட்டணி ஒருங்கிணைப்புப் பணிக்காக துணைத்தலைவர் அண்ணாமலையும்.
ஊடகப்பிரிவிற்கு பிரசாத்தும்,
தேர்தல் அறிக்கை தயாரிப்பு குழுவிற்கு எச்.ராஜா, வி.பி.துரைசாமி, பேராசிரியர் ராஜலட்சுமி ஆகியோர் கொண்ட குழுவும் நியமனம் செய்யப்பட்டுள்ளனர்.
அதேபோல், கலாச்சார குழுவிற்கு நடிகை காயத்ரி ரகுராம்,
மகளிர் குழுவிற்கு மீனாட்சி,
வாக்குச்சாவடி குழுவிற்கு முருகானந்தம் என 34 குழுக்கள் உருவாக்கப்பட்டு அறிவிப்பு வெளியிடப்பட்டுள்ளது.
