சென்னை: வெளிநாடுகளில் வேகப்பந்து வீச்சிற்கு சாதகமான பிட்ச் எங்களுக்கு வழங்கப்பட்டபோது, நாங்கள் அதற்காக யாரையும் குற்றம்சாட்டவில்லை என்றுள்ளார் இந்திய பந்துவீச்சாளர் அக்ஸார் படேல்.
தற்போது, சுழற்பந்து வீச்சுக்கு சாதகமான சேப்பாக்கம் மைதானம் குறித்து சிலர் விமர்சிப்பதையடுத்து இவ்வாறு கூறியுள்ளார் அக்ஸார் படேல்.
மேலும், இடத்திற்கு ஏற்றபடி, ஒவ்வொருவரும் தமது மனத்தை மாற்றிக்கொள்ள வேண்டுமென அவர் கூறியுள்ளார். மேலும், இதே மைதானத்தில்தான், இந்தியா சார்பாக 2 சதங்கள் மற்றும் 3 அரைசதங்கள் அடிக்கப்பட்டுள்ளன என்பதையும் அவர் நினைவூட்டினார்.
இந்திய அணி சிறப்பாக விளையாடிய நிலையில், இந்தப் பிட்சி இப்படியுள்ளது மற்றும் அப்படியுள்ளது என்று யாரும் குறைசொல்வதற்கில்லை என்றும் அவர் குறிப்பிட்டுள்ளார்.