சென்னை: இந்திய அணியின் சுழற்பந்து வீச்சாளர் அஸ்வின், அதிகமுறை 5 விக்கெட்டுகள் மற்றும் இடது கை பேட்ஸ்மென்களை அதிகமுறை அவுட்டாக்கியது என்று வேறுசில சாதனைகளையும் இன்றையப் போட்டியின் மூலம் செய்துள்ளார்.
அஸ்வின், இதுவரை மொத்தம் 76 டெஸ்ட் போட்டிகளில் விளையாடி, 29 முறை ஒரே இன்னிங்ஸில் 5 விக்கெட்டுகளை வீழ்த்தியுள்ளார் அஸ்வின். இவ்வாறு குறைந்த போட்டிகளில் இந்தளவு 5 விக்கெட் சாதனையை, இதுவரை எந்த வீரரும் உலகளவில் நிகழ்த்தியதில்லை.
மேலும், இவர் இதுவரை டெஸ்ட் போட்டிகளில் 390க்கும் மேற்பட்ட விக்கெட்டுகளை வீழ்த்தியுள்ளார். இதில் 200 விக்கெட்டுகள் இடதுகை பேட்ஸ்மென்களது விக்கெட்டுகள் என்பதும் குறிப்பிடத்தக்கது. இந்த சாதனையையும் வேறு எந்த வீரரும் செய்ததில்லை என்பதும் குறிப்பிடத்தக்கது.