விருதுநகர்: விருதுநகர் மாவட்டம் சிவகாசி அருகே இன்று மேலும் ஒரு பட்டாசு ஆலையில் வெடிவிபத்து ஏற்பட்டுள்ளதாக கூறப்படுகிறது. நேற்று சாத்தூர் அருகே நடைபெற்ற பட்டாசு ஆலைவெடி விபத்தில் 19 பேர் உயிரிழந்த நிலையில், தற்போது மீண்டும் ஒரு வெடிவிபத்து ஏற்பட்டுள்ளது பரபரப்பை ஏற்படுத்தி உள்ளது.
சிவாகசி அருகேஉள்ள காக்கிவாடன்பட்டியில் உள்ள பட்டாசு ஆலையில் இன்று காலை வெடி விபத்து ஏற்பட்டதாக கூறப்பபடுகிறது. இந்த விபத்தில், தொழிலாளர்கள் மீட்கப்பட்டு வருவதாக கூறப்படுகிறது. பட்டாசுகள் வெடித்து சிதறுவதால், மீட்பு பணிகளில் தொய்வு ஏற்பட்டு உள்ளதாக கூறப்படுகிறது.
காவல்துறையினரும், தீயணைப்பு துறையினரும் மீட்பு பணியில் ஈடுபட்டு வருகின்றனர். இந்த விபத்தில் எத்தனை பேர் சிக்கியுள்ளனர் என்ற விவரங்கள் இன்னும் வெளியாகவில்லை.