சென்னை: சேப்பாக்கம் மைதானத்தில், இந்தியா மற்றும் இங்கிலாந்து அணிகளுக்கு, என்னமாதிரியான பழைய பதிவுகள் உள்ளன என்பதைப் பற்றிய ஒரு சிறிய அலசலை ஓடவிடலாம்.
இந்த மைதானத்தில், கடந்த 1934ம் ஆண்டு முதல் நடைபெற்ற 32 டெஸ்ட் போட்டிகளில், இந்தியா 14 போட்டிகளில் வென்றுள்ளது. 11 போட்டிகளை டிரா செய்தது. 6 போட்டிகளில் தோல்வி கிடைத்தது. கடந்த 1986ம் ஆண்டு, ஆஸ்திரேலியாவுக்கு எதிரானப் போட்டி ‘டை’ ஆனது.
இந்திய அணி, கடைசியாக இந்த மைதானத்தில் ஆடிய 3 டெஸ்ட் போட்டிகளிலும் வெற்றிபெற்றது குறிப்பிடத்தக்கது.
இங்கிலாந்து அணியைப் பொறுத்தவரை, இங்கு விளையாடிய 9 டெஸ்ட் போட்டிகளில், 3 போட்டிகளை வென்றுள்ளது.
இந்த டெஸ்ட் தொடரின் முடிவு, உலக டெஸ்ட் சாம்பியன்ஷிப் போட்டிக்கு தகுதிபெறுவதை தீர்மானிக்கும் என்பதால், இரு அணிகளுக்குமே முக்கியமானதாக கருதப்படுகிறது.