சென்னை: அண்ணா பல்கலைக்கழகத்தில் 2 உயர்நிலை படிப்பு மாணவர் சேர்க்கை, இடஒதுக்கீடு பிரச்சினை காரணமாக நிறுத்தப்பட்டுள்ளதற்கு கடும் எதிர்ப்பு எழுந்துள்ளனது. தமிழகஅரசியல் கட்சிகள் மட்டுமின்றி, பெற்றோர்களும், மத்திய பாஜக அரசின் இந்த நடவடிக்கைக்கும், அதற்கு துணைபோகும் அண்ணா பல்கலைக்கழகத்திற்கும் கடும் கண்டனம் தெரிவித்து வருகின்றனர்.
சென்னை அண்ணா பல்கலைக்கழகத்தில் மத்திய அரசின் நிதி பங்களிப்புடன் எம்.டெக் கம்ப்யூட்டஷனல் பயாலஜி, எம்.டெக் பயோ டெக்னாலஜி பாடப்பிரிவுகள் உள்ளன. கடந்த ஆண்டுகளில் இந்த படிப்புகளில் மத்திய அரசின் 50 சதவிகிதம் இட ஒதுக்கீட்டு அடிப்படையில் மாணவர் சேர்க்கை நடைபெற்று வந்தது. ஆனால் இந்த ஆண்டு தமிழக அரசின் 69 சதவீத இட ஒதுக்கீட்டில் மாணவர் சேர்க்கையை நடத்த தமிழக அரசு முடிவு செய்திருந்தது. இந் நிலையில் தற்போது இந்த 2 படிப்புகளிலும் இந்த ஆண்டு மாணவர் சேர்க்கையை நிறுத்துவதாக அண்ணா பல்கலைக்கழகம் அறிவித்துள்ளது.
மத்திய அரசுக்கு 50 சதவீதம் இடம் வழங்குவதை ஏற்க முடியாது என்று தெரிவித்து இந்த அறிவிப்பு வெளியிடப்பட்டுள்ளது. இந்த அறிவிப்பை தமது இணைய தளத்தில் அண்ணா பல்கலைக்கழகம் வெளியிட்டு இருக்கிறது. 2 படிப்புகளில் எம்டெக் பயோ டெக்னாலஜி படிப்பானது 1985ம் ஆண்டு முதல் அண்ணா பல்கலைக் கழகத்தில் உள்ளது. எம்.டெக் கம்ப்யூட்டஷனல் பயாலஜி படிப்பு 2014-15ம் ஆண்டில் கொண்டு வரப்பட்டது. இந்த படிப்பில் ஆண்டு தோறும் 45 மாணவர்கள் சேர்க்கப்பட்டு அவர்களுக்கு மாதம் 12500 ரூபாய் வரை உதவி தொகையும் வழங்கப்பட்டு வந்தது.
இந்த படிப்பில் தமிழ்நாடு பொது நுழைவுத் தேர்வு மற்றும் பயோடெக்னாலஜி பட்டதாரி ஆப்டிட்யூட் டெஸ்ட் (கேட்-பி) ஆகியவற்றில் தகுதி பெற்ற மாணவர்கள் சேர்த்துக்கொள்ளப்படுவார்கள். ஆனால், தற்போது, மத்திய பாஜக அரசு அறிவுறுத்தியுள்ள 60 சதவிகித இடஒதுக்கீடு காரணமாக, ஏராளமான மாணவர்கள் மேற்படிப்பில் சேர முடியாத சூழல் உருவாகி உள்ளது.
இதனால் கல்வியாளர்களும், பெற்றோர்களும் வேதனை தெரிவித்து உள்ளனர். மோடி தலைமையிலான மத்திய பாஜக அரசுக்கு ஆதரவாக அண்ணா பல்கலைக்கழகமும் துணை போவதாக கல்வியாளர்களும், பெற்றோர்களும் கடும் கண்டனம் தெரிவித்து வருகின்றனர்.
மற்ற நிறுவனங்களில் எம்டெக் பயோடெக்னாலஜிக்கான சேர்க்கை முடிந்த நிலையில், அண்ணா பல்கலைக்கழகத்தில் இடம் கிடைக்கும் என எதிர்பார்த்திருந்த மாணாக்கர்களுக்கு, தற்போது அறிவிப்பு பெரும் ஏமாற்றத்தை கொடுத்துள்ளது. அண்ணா பல்கலைக்கழகத்தின் முடிவால் நாங்கள் ஏமாற்றமடைகிறோம் பெற்றோர்கள் கொந்தளித்துள்ளனர் .
முக்கியமான இந்த படிப்புகளுக்கு பெரும் தேவை இருப்பதால், அரசின் உதவித்தொகை இல்லாமல் மாணவர்கள் சேர்க்கைக்கு அனுமதிக்க வேண்டும், ”என்று கோரிக்கை வைத்துள்ளனர்.
கடந்த ஆண்டு வரை, இந்த இரண்டு படிப்புகளுக்கான சேர்க்கை அகில இந்திய மட்டத்தில் நடத்தப்பட்டது. டெல்லியில் உள்ள ஜவஹர்லால் நேரு பல்கலைக்கழகம் எம்டெக் பயோடெக்னாலஜியில் மாணவர்களைச் சேர்ப்பதற்காக பயோடெக்னாலஜிக்கான ஒருங்கிணைந்த நுழைவுத் தேர்வை (ஜே.என்.யூ சி.இ.பி.) நடத்தியது, அதே சமயம் பாண்டிச்சேரி பல்கலைக்கழகம் கணக்கீட்டு உயிரியல் பாடத்திற்கான அகில இந்திய நுழைவுத் தேர்வை நடத்தியது.
இருப்பினும், இந்த ஆண்டு, ஃபரிதாபாத்தில் உள்ள பயோடெக்னாலஜிக்கான பிராந்திய மையம் நுழைவுத் தேர்வுகள் இரண்டையும் நடத்தும் பொறுப்பை ஏற்றுக்கொண்டது, மேலும் தேர்வின் பெயரும் பயோடெக்னாலஜி பட்டதாரி ஆப்டிட்யூட் டெஸ்ட் (கேட்-பி) என மாற்றப்பட்டது. நுழைவுத் தேர்வு மற்றும் சேர்க்கை இரண்டையும் நடத்துவதற்குப் பதிலாக, அந்தந்த நிறுவனங்களால் சேர்க்கை நடத்தப்படும் என்று ஆர்.சி.பி. அறிவித்தது.
இது மத்திய அரசு வழங்கும் பாடநெறி என்பதால், கடந்த ஆண்டு வரை அகில இந்திய சேர்க்கைகளில் 49.5% இட ஒதுக்கீட்டை டிபிடி பின்பற்றியது. இந்த இரண்டு திட்டங்களுக்கான சேர்க்கைகளில் பின்பற்றப்பட வேண்டிய இடஒதுக்கீடு கொள்கை குறித்து அண்ணா பல்கலைக்கழகம் மாநில அரசுகளிடம் விளக்கம் கோரியது.
“69% இடஒதுக்கீட்டைப் பின்பற்றுமாறு மாநில அரசு பல்கலைக்கழகத்திற்கு அறிவுறுத்தியது, இதற்காக இந்த திட்டங்களுக்கு நிதியளிக்கும் டிபிடி இதற்கு உடன்பட வில்லை. இரண்டு பிரபலமான படிப்புகளுக்கான சேர்க்கைகளை ரத்து செய்வதைத் தவிர வேறு வழியில்லை ”என்று அண்ணா பல்கலைக்கழக அதிகாரி தெரிவித்துள்ளார்.