2021-ம் ஆண்டே ! வருக !! வருக !!
கவிதை
பா. தேவிமயில் குமார்
அதோ பாருங்கள் !
அழைக்கிறது புதிய ஆண்டு !
கடந்ததெல்லாம் (2020)
கடந்ததே !
காலம் இனி
உங்களுக்காக நானிருக்கிறேன் என
ஒளி வீசி நிற்கிறது !
வலிமையான ஆண்டு !
வாருங்கள்…..
வரவேற்போம் !
நல்ல எண்ணங்கள்
நாளும், நாளும் சுரக்கட்டும் !
விடியும் பொழுதெல்லாம்
விழாக் கோலமாகட்டும் !
அன்பும், ஆரோக்கியமும்
ஆனந்தக் கூத்தாடட்டும் !
ஆசைகளும், அவசியங்களும்
அளவில்லாமல் நிறைவேறட்டும் !
வளமும் வசந்தமும்
வாசலில் காத்திருக்கட்டும் !
இன்முகமும், இனிய வாழ்வும்
இரண்டறக் கலக்கட்டும் !
மனிதத்தன்மை, மனங்களில்
மணக்கட்டும் !
எல்லோருக்கும், விரும்பியது
எப்போதும் கிடைத்திடட்டும் !
உறவுகளையும்,
உற்ற நண்பர்களையும்,
உலகத்தையும்
இந்த ஆண்டு தன்
இனிய நடையில்
ஒளி வீசச் செய்யட்டும் !
அடுத்த ஆண்டு (2022)
ஆரம்பிக்கும் போது……
இதுவல்லவோ ஆண்டு
இனிமையான ஆண்டு !
என
வாழ்த்திச் சொல்ல
வாய்ப்பு கொடு ஆண்டே !
புத்தாண்டே வருக !
புதுப்பொலிவைத் தருக !