வாஷிங்டன்: அமெரிக்க அதிபர் டொனால்ட் டிரம்ப்பின் கோல்ஃப் விளையாட்டுப் பழக்கம், அந்நாட்டு மக்களின் வரிப்பணத்தை கணிசமாக காலி செய்திருக்கின்றன என்று செய்திகள் தெரிவிக்கின்றன.
நாட்டின் பல பகுதிகளில், அவர் கோல்ஃப் விளையாடுவதற்கான ஏற்பாடுகள் மற்றும் அவரின் பாதுகாப்பு செலவினங்களுக்காக, இதுவரை, அமெரிக்க மக்களின் வரிப்பணம் 102 மில்லியன் அமெரிக்க டாலர் செலவாகியுள்ளது என்று கூறப்பட்டுள்ளது.
இச்செலவில், அமெரிக்காவின் பல பகுதிகள் மட்டுமின்றி, வெளிநாடுகளில் அவர் கோல்ஃப் விளையாடியதும் அடக்கம்.
புளோரிடாவில் அவர் ஆடியதற்காக 81 மில்லியன் அமெரிக்க டாலர்கள், நியூ ஜெர்ஸியில் அவர் ஆடியதற்காக 17 மில்லியன் அமெரிக்க டாலர்கள், லாஸ் ஏஞ்சலிஸில் அவர் ஆடியதற்காக 1 மில்லியன் அமெரிக்க டாலர்கள், ஸ்காட்லாந்தில் அவர் ஆடியதற்காக 3 மில்லியன் அமெரிக்க டாலர்கள் என்று பெரிய கணக்கை தெரிவிக்கின்றன அமெரிக்க வெள்ளை மாளிகை வட்டாரங்கள்.
தனது தேர்தல் பிரச்சாரத்தில், தான் மீண்டும் அதிபராக தேர்ந்தெடுக்கப்பட்டால், கோல்ஃப் விளையாட மாட்டேன் என்று வாக்குறுதி அளித்திருந்தார் என்பது குறிப்பிடத்தக்கது.
[youtube-feed feed=1]