உலக பணக்காரர் பட்டியலில் இரண்டாம் இடத்தில் உள்ள அமோசன் நிறுவனர் ஜெஃப் பெசோஸ் தனது இரண்டாம் திருமணத்துக்குத் தயாராகி வருகிறார்.
60 வயதாகும் பெசோஸ் தனது நீண்ட நாள் காதலியான 54 வயதாகும் தொலைக்காட்சி பிரபலம் லாரன் சான்செஸ்-ஸை திருமணம் செய்துகொள்ள உள்ளார்.
அமெரிக்காவின் ஆஸ்பென் நகருக்கு அடிக்கடி சென்று தங்கள் விடுமுறையை கழித்துவரும் இவர்கள் இருவரும் திருமணம் செய்துகொள்ளப் போவதாக அமெரிக்க ஊடகங்கள் செய்தி வெளியிட்டுள்ளன.
ஜெஃப் பெசோஸ் – லாரன் சான்செஸ் திருமணம் ஆஸ்பென் நகரில் வரும் கிறிஸ்துமஸ் பண்டிகையை ஒட்டி நடைபெற உள்ளதாக தெரிவித்துள்ள ஊடகங்கள் இந்த திருமண விழாவில் அமெரிக்க பிரபலங்கள் பலர் கலந்துகொள்ள உள்ளதாகவும் தெரிவித்துள்ளது.