மும்பை
இன்று பாஜக தனது மகாராஷ்டிர் தேர்தல் அறிக்கையை வெளியிட்டுள்ளது.
வருகிற 20 ஆம் தேதி நடைபெற உள்ள மராட்டிய மாநிலத்தில் சட்ட மன்ற தேர்தலில் பாஜக சிவசேனா( ஷிண்டே) தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணிக்கும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்பி) ஆகிய எதிர்க்கட்சிளின் மகாவிகாஸ் அகாடி கூட்டணிக்கும் நேரடி போட்டி நிலவுகிறது.
தேர்தலில் வெற்றி பெற்றே ஆகவேண்டிய கட்டாயத்தில் உள்ளதால் இரு கூட்டணிகளும் தேர்தல் களத்தில் வாக்குறுதிகளை வாரி இறைத்து வருகின்றன. ஏற்கனவே காங்கிரசின் மகாவிகாஸ் அகாடி கூட்டணி பெண்களுக்கு மாதம் ரூ.3000, அரசு பஸ்சில் இலவச பயணம் போன்ற வாக்குறுதியை அறிவித்துள்ளது.
இன்று பாஜகவின் தேர்தல் அறிக்கையை மத்திய உள்துறை அமைச்சர் அமித்ஷா இந்த தேர்தல் அறிக்கையை வெளியிட்டார். இந்த தேர்தல் அறிக்கையில், ” விவசாயிகளுக்கு கடன் தள்ளுபடி; பெண்களுக்கு மாதம் ரூ.1,500 க்கு பதிலாக ரூ. 2,100 வழங்கப்படும்; 25 லட்சம் பேருக்கு வேலை வாய்ப்பு வழங்கப்படும்” உள்ளிட்டவைகள் இடம் பெற்றுள்ளன.