இன்று ஜார்க்கண்ட் மாநில சட்டசபை தேர்தலில் முதல் கட்ட வாக்குப்பதிவு

ராஞ்சி

இன்று காலை 7 மணிக்கு 43 தொகுதிகளில் ஜார்க்கண்ட் மாநில சட்டசபை தேர்தலுக்கான முதல் கட்ட வாக்குப்பதிவு தொடங்குகிறது.

நவம்பர் 13 மற்றும் 20 ஆம் தேதி என இருகட்டங்களாக ஜார்கண்ட் மாநிலத்தில் 81 இடங்களை கொண்ட சட்டசபைக்கு தேர்தல் நடைபெறும் என்று தேர்தல் கமிஷன் அறிவித்தது. நேற்று முன் தினம் மாலையுடன் முதல் கட்ட வாக்குப்பதிவு நடைபெறும் 43 தொகுதிகளுக்கான தேர்தல் பிரசாரம் மாலையுடன் முடிவடைந்தது.

இன்று முதல் கட்டமாக அந்த 43 சட்டசபை தொகுதிகளுக்கு வாக்குப்பதிவு நடைபெறுகிறது. வாக்குப்பதிவு காலை 7 மணிக்கு தொடங்கி மாலை 5 மணிக்கு முடிவடையும். இன்று முதல்கட்ட தேர்தல் நடைபெறும் 43 தொகுதிகளில் மொத்தம் 685 வேட்பாளர்கள் களத்தில் உள்ளனர்.

தேர்தல் ஆணையம் வாக்குப்பதிவுக்கான அனைத்து ஏற்பாடுகளையும தீவிரப்படுத்தி உள்ளது.  இன்னும் சிறிது நேரத்தில் பலத்த எதிர்பார்ப்புகளுக்கிடையில் வாக்குபதிவு தொடங்க உள்ளது குறிப்பிடத்தக்கதாகும்.