டமாஸ்கஸ், சிரியா,
சிரியாவில் ரஷ்யா மற்றும் அமெரிக்கப் போர் விமானங்கள் அருகருகே பறந்ததால் கடும் பதற்றம் ஏற்பட்டது.
பல ஆண்டுகளாக சிரியாவில் உள்நாட்டு போர் நீடித்து வருகிறது ரஷ்யா இந்த போரில் சிரிய அதிபர் பஷில் அல் அசாத்திற்கு ஆதரவு அளித்து வருகிறது. அமெரிக்கா போரின் தொடக்கத்தில் சிரியாவில் குர்திஷ் கிளர்ச்சியாளர்களுக்கு ஆதரவு அளித்தது.
தற்போது சிரியாவில் பதுங்கியுள்ள ஐ.எஸ். பயங்கரவாதிகளைக் குறிவைத்து அமெரிக்கா வான்வெளி தாக்குதல் மட்டும் நடத்தி வருகிறது. அத்துடன் சிரியாவின் வான்பகுதியில் அவ்வப்போது ரோந்து பணியிலும் அமெரிக்கா ஈடுபட்டு வருகிறது.
நேற்று அங்கு அமெரிக்க விமானப்படைக்குச் சொந்தமான எம்.சி-12 ரக போர் விமானம் பறந்துகொண்டிருந்த போது ரஷ்யாவின் சு-35 ரக போர் விமானம் அதன் அருகே மோதும் வகையில் வந்தது. இதனால் கொரியாவில் கடும் பதற்றம் ஏற்பட்டுள்ளது.