பிரபல இந்தி நடிகர் மிதுன் சக்கரவர்த்தி, மே.வங்க மாநிலத்தை சேர்ந்தவர், இப்போது மார்க்கெட் இல்லை.
தமிழகத்தில் மார்க்கெட் இழந்த நட்சத்திரங்கள் பா.ஜ.க.வில் சேர்ந்த வண்ணம் உள்ளனர்.
மே.வங்கத்திலும் பழைய சினிமா நட்சத்திரங்களை பாரதிய ஜனதாவில் சேர்த்து வருகிறார்கள்.
அந்த வரிசையில் மிதுன் சக்கரவர்த்தி அண்மையில் கொல்கத்தாவில் பிரதமர் மோடி முன்னிலையில் பா.ஜ.க.வில் இணைந்தார்.
அவருக்கு கொல்கத்தாவில் ஏதாவது ஒரு தொகுதியில் போட்டியிட வாய்ப்பு கிடைக்கும் என எதிர்ப்பார்க்கப்பட்டது.
மிதுனுக்கு மும்பையில் தான் ஓட்டு உள்ளது. தேர்தலில் போட்டியிட சான்ஸ் கிடைக்கும் என்ற நம்பிக்கையில் கொல்கத்தாவில் , வாக்காளர் பட்டியலில் தனது பெயரை பதிவு செய்தார்.
ஆனால் மிதுன் சக்கரவர்த்திக்கு போட்டியிட வாய்ப்பு வழங்கப்படவில்லை.
மே.வங்காள மாநிலத்தில் மொத்தமுள்ள 294 தொகுதிகளுக்கும் பா.ஜ.க. வேட்பாளர் பட்டியல் அறிவிக்கப்பட்டுள்ள நிலையில், மிதுன் அப்செட்டில் இருக்கிறார்.
– பா. பார்தி