டெல்லி: பிரான்சில் இருந்து இறுதியாக 3 ரஃபேல் விமானங்கள் அடுத்த வாரம் இந்தியா வருகை தர உள்ளது. ஏற்கனவே 33 ரஃபேல் விமானங்கள் இந்தியா வந்தடைந்துள்ள நிலையில், இறுதியாக மீதமுள்ள 3 ரஃபேல் போர் விமானங்கள் அடுத்த வாரம் இந்தியா வர இருப்பதாக அதிகாரிகள் தெரிவித்துள்ளனர்.
கடந்த 2016-ம் ஆண்டு ரஃபேல் போர் விமானம் தொடர்பாக பிரான்ஸ் நாட்டுடன் மத்திய அரசு ஒப்பந்தம் செய்தது. அதன்படி, முதல் கட்டமாக 2020 ஜூலையில் 5 போர் விமானங்கள் இந்தியா வந்தன. அதைத் தொடர்ந்து அவ்வப்போது பல கட்டங்களாக ரஃபேல் போர் விமானங்கள் இந்தியா வந்து, விமானப் படையில் சேர்க்கப்பட்டுள்ளன. லடாக் எல்லை உள்பட பல்வேறு இடங்களில் இந்த விமானங்கள் பாதுகாப்பு பணிக்காக தயார் நிலையில் வைக்கப்பட்டுள்ளன.
இந்த நிலையில் மீதமுள்ள 3 ரஃபேல் போர் விமான நிலையங்கள், கடைசி கட்டமாக அடுத்த வாரம் மத்தியில் இந்தியாவுக்கு வர இருப்பதாக இந்தியா விமானப்படை அதிகாரிகள் தெரிவித்தனர்.
இந்த விமானங்கள், ஏற்கனவே வந்ததுபோலவே, ஆகாயத்தில் எரிபொருள் நிரப்பப்பட்டு நேரடியாக பிரான்சில் இருந்து இந்தியா வரும் என்றும் தெரிவிக்கப்படுடுள்ளது.