பெங்களூரு: முன்னாள் முதல்வர் எச்.டி. குமாரசாமியை பாகிஸ்தான் செல்லுமாறு சுகாதார அமைச்சர் ஸ்ரீராமுலு ஆவேசமாக கூறி இருக்கிறார்.
கர்நாடக சுகாதார அமைச்சர் பி.ஸ்ரீராமுலு, ஜே.டி (எஸ்) தலைவரும், முன்னாள் முதல்வருமான எச்.டி. குமாரசாமி மீது புதிய தாக்குதலை முன் வைத்துள்ளார். அவர் வாக்கு வங்கி அரசியலைப் பின்பற்றுவதாகக் குற்றம் சாட்டி, பாகிஸ்தானுக்கு செல்லுமாறு அறிவுறுத்தினார்.
அவர் மேலும் கூறியதாவது: பாகிஸ்தானின் மீதான அவரது அன்பு அதிகரித்துள்ளது, அவர் விரும்பினால், அவர் அங்கு சென்று தங்கலாம். அவர் பாகிஸ்தானுக்கு இவ்வளவு அன்பைக் காட்டினால் பாகிஸ்தானுக்குச் செல்வது நல்லது, அவர் ஏன் இந்தியாவில் வாழ வேண்டும்?
அவர் இது போன்ற இரட்டை அரசியலை முன் எடுக்கக்கூடாது. பல ஆண்டுகளாக நீங்கள் வாக்கு வங்கி அரசியலைச் செய்து வருகிறீர்கள். நீங்கள் ஒரு விஷயத்தைப் புரிந்து கொள்ள வேண்டும்.
நீங்கள் முன்னாள் பிரதமரின் மகன் மற்றும் முன்னாள் முதல்வரும் கூட.. நீங்கள் வாக்கு வங்கி அரசியல் செய்ய விரும்பினால் நாட்டை விட்டு வெளியேறுவது நல்லது என்று கூறி இருக்கிறார்.