டெல்லி
உலக ஊழல் குறைந்த நாடுகள் பட்டியலீல் 96 ஆம் இடத்தில் இந்தியா உள்ளது.
கடந்த 1995 முதல் ஆண்டுதோறும் ஊழல் குறைந்த நாடுகள் பட்டியலை ‘டிரான்ஸ்பரன்சி இன்டர்நேஷனல்’ என்ற அமைப்பு வெளியிட்டு வருகிறது. இந்த பட்டியலை அரசு துறையில் நிலவும் ஊழல் குறித்து நிபுணர்கள் மற்றும் தொழில் வல்லுநர்களிடம் கருத்துக்களை கேட்டறிந்து வெளியிட்டு வருகின்றனர்.
தற்போது வெளியாகி உள்ள 2024-ம் ஆண்டிற்கான ஊழல் புலனாய்வு குறியீடு (சி.பி.ஐ.) பட்டியலில்ல் இந்தியா 96-வது இடத்தைப் பிடித்து உள்ளது. இண்டஹ அமைப்பு நிபுணர்கள் மற்றும் வணிகர்களின் கூற்றுப்படி, பொதுத்துறை ஊழலின் அளவை மதிப்பிட்டு அதன்படி 180 நாடுகளின் நிலவரம் தரவரிசைப்படுத்தப்பட்டது.
இந்த நாடுகளுக்கு நாடுகளுக்கு பூஜ்ஜியம் முதல் 100 வரையிலான மதிப்பெண்களும் வழங்கப்படுகிறது. இவற்றில்ல் ‘பூஜ்ஜியம்’ என்பது மிகவும் ஊழல் நிறைந்ததாகவும், ‘100’ என்பது ஊழலற்ற நிர்வாகத்தையும் குறிப்பதாகும். அந்த வகையில் இந்த பட்டியலில், 180 நாடுகளில் இந்தியா 96-வது இடத்தில் உள்ளது..
இப்பட்டியலில் நமது அண்டை நாடுகளான பாகிஸ்தான்-135 வது இடம் மற்றும் இலங்கை 121-வது இடம் பெற்று உள்ளன. மேலும் வங்காளதேசத்தின் தரவரிசை 149 ஆக பின்தங்கி உள்ள நிலையில் சீனா 76-வது இடத்தைப் பிடித்து உள்ளது.
உலக அளவில் ஊழல் குறைந்த நாடாக பட்டியலில் டென்மார்க் முதலிடம் பிடித்துள்ளது. இரண்டாம் மற்றும் மூன்றாம் இடங்களில் முறையே பின்லாந்து மற்றும் சிங்கப்பூர் உள்ளன.