ஸ்ரீநகர்
காஷ்மீரில் கடும் பனிப்பொழிவு காரணமாக ரயில் மற்றும் விமான சேவைகள் பாதிக்கப்பட்டுள்ளன.
கடந்த சில நாட்களாக ஜம்மு-காஷ்மீர் யூனியன் பிரதேசத்தில் கடும் பனிப்பொழிவு நிலவி வருகிறது. குறிப்பால ஸ்ரீநகர், பாரமுல்லா, பட்காம், குப்வாரா, பெந்திபுரா, அனந்த்நாக் உள்பட பல்வேறு மாவட்டங்களில் கடும் பனிப்பொழிவு நிலவி வருகிறது.
இந்த கடும் பனிப்பொழிவு காரணமாக விமானம், ரயில் சேவைகளும் சாலை போக்குவரத்தும் கடுமையாக பாதிக்கப்பட்டுள்ளது., ஜம்மு, ஸ்ரீநகர் இடையேயான தேசிய நெடுஞ்சாலை பனிப்பொழிவால் மூடப்பட்டுள்ளதால், பொதுமக்கள் பாதிக்கப்பட்டுள்ளனர்.
வானிலை ஆய்வு மையம் பனிப்பொழிவு மேலும் அதிகரிக்கக்கூடும் என்று தெரிவித்துள்ளது. இவ்வாறு ஜம்மு-காஷ்மீரில் நிலவி வரும் பனிப்பொழிவு காரணமாக அங்கு சுற்றுலா பயணிகள் வருகை மேலும் அதிகரிக்கும் என எதிர்பார்க்கப்படுகிறது.