பிரபல மலையாள எழுத்தாளர் எம் டி வாசுதேவன் நாயர் மரணம்

கோழிக்கோடு

நேற்றிரவு பிரபல மலையாள எழுத்தாளர் எம் டி வாசுதேவன் நாயர் மரணம் அடைந்துள்ளார்.

பிரபல மலையாள எழுத்தாளரான எம் டி வாசுதேவன் நாயர் மலையாள இலக்கியம் மற்றும் திரையுலகில் அழியாத முத்திரை பதித்தவர் ஆவார். இவர் பத்ம பூஷண் விருது பெற்றவர் ஆவார்.

கடந்த 1996-ம் ஆண்டு இந்தியாவில் இலக்கியத்துக்காக வழங்கப்படும் உயரிய விருதான ஞானபீடம் விருது பெற்ற இவர் சிறந்த திரைக்கதைக்காக 4 தேசிய விருதுகளை வென்றுள்ளார்.

எம். டி. வாசுதேவன் நாயர் இதய செயலிழப்பு காரணமாக கோழிக்கோடு பேபி மெமோரியல் மருத்துவமனையில் தீவிர சிகிச்சை பிரிவில் அனுமதிக்கப்பட்ட நிலையில், சிகிச்சை பலனின்றி நேற்றிரவு காலமானார். திரையுலகை சேர்ந்த பலர் அவரது மறைவுக்கு இரங்கல் தெரிவித்து வருகின்றனர்.