காபூல்,
ஆப்கானிஸ்தானில், தலிபான் பயங்கரவாதிகளுக்கும், அந்நாட்டு ராணுவத்தினருக்கும் இடையே 18 ஆண்டுகளாக போர் நடைபெற்று வருகிறது.
இதற்கிடையில் தலீபான் பயங்கரவாதிகளுடன் அமைதி பேச்சுவார்த்தை நடத்தி தீர்வு ஏற்பட உலக நாடுகள் முன்வந்தது. இதையடுத்து அமெரிக்கா மற்றும் தலீபான் தீவிரவாதிகள் இடையே பேச்சுவார்த்தை நடந்து வந்தது. பேச்சு வர்த்தையில் சில நிபந்தனைகள் எழுப்பப்பட்ட தால், தற்காலிக அடிப்படையில் பேச்சுவார்த்தை நிறுத்தி வைக்கப்பட்டு இருந்தது.
இந்த நிலையில், அந்நாட்டின் தென்மேற்கே அமெரிக்கா மற்றும் ஆப்கானிஸ்தான் நாடுகளின் கூட்டு ராணுவ தளத்தினுள் புகுந்த தலிபான் பயங்கரவாதிகள், ஆப்கானிஸ்தான் படையினருடன் துப்பாக்கி சண்டையில் ஈடுபட்டனர்.
பல மணிநேர சண்டையில் 23 வீரர்கள் கொல்லப்பட்டு உள்ளனர். 15 பேர் காயமடைந்துள்ளனர்.
எனினும், படையினர் நடத்திய பதிலடியாக நடத்திய தாக்குதலில் 20 தீவிரவாதிகள் கொல்லப்பட்டு உள்ளனர் என ராணுவம் தெரிவித்துள்ளது.