டெல்லி
ஆம் ஆத்மி கட்சியின் டெல்லி சட்டசபை தேர்தலுக்கன 3 ஆம் கட்ட வேட்பாளர் பட்டியல் வெளியிடபட்டுள்ளதுல்
பிப்ரவரி 23 ஆம் தேதி டெல்லி சட்டசபையின் பதவிக்காலம் நிறைவடைகிறது. விரைவில் தேர்தல் தேதிகள் அறிவிக்கப்பட உள்ள நிலையில் ஆம் ஆத்மி கட்சி களத்தில் தீவிரமாக இறங்கி வேலை பார்க்கிறது. கடந்த மாதம் 21 ஆம் தேதி ஆம் ஆத்மி கட்சி அறிவித்த முதல்கட்ட வேட்பாளர் பட்டியலில் 11 பேர் இடம் பெற்று இருந்தனர்.
கடந்த 9 ஆம் தேதி ஆம் ஆத்மி கட்சி மேலும் 20 தொகுதிகளுக்கு வேட்பாளர்களை அறிவித்தது. அதில் மணீஷ் சிசோடியா உள்பட 2 எம்.எல்.ஏ.க்கள் தொகுதி மாற்றம் செய்யப்பட்டு உள்ளனர். இந்த 2-வது பட்டியலுடன் சேர்த்து 31 இடங்களுக்கு வேட்பாளர்கள் அறிவிக்கப்பட்டனர்.
தற்போது டெல்லி சட்டசபை தேர்தலில் போட்டியிடும் 38 வேட்பாளர்கள் அடங்கிய 3-ம் கட்ட வேட்பாளர் பட்டியலை ஆம் ஆத்மி கட்சி இன்று வெளியிட்டுள்ளது. அத்ன்படி புதுடெல்லி தொகுதியில் முன்னாள் முதல்வர் அரவிந்த் கெஜ்ரிவால் போட்டியிடுவார் என அறிவிக்கப்பட்டுள்ளது. முதல்வர் அதிஷி கல்காஜி தொகுதியிலும், சத்யேந்தர் ஜெயின் மற்றும் கோபால் ராய் ஆகியோர் ஷகுர் பஸ்தி மற்றும் பாபர்பூரில் போட்டியிடுகின்றனர்.