ஈரானுக்கு எதிராக இஸ்ரேலுடன் இணைந்து அமெரிக்கா போரில் ஈடுபட்டபோதிலும் அமெரிக்காவால் “குறிப்பிடத்தக்க எதையும் சாதிக்க முடியவில்லை” என்று ஈரானின் உச்ச தலைவர் அயதுல்லா அலி கமேனி கூறியுள்ளார்.
இஸ்ரேல் ஈரான் இடையேயான போர் முடிவுக்கு வந்திருக்கும் நிலையில் முதல்முறையாக இதுகுறித்து கமேனி கருத்து தெரிவித்துள்ளார்.
இதுகுறித்து தனது எக்ஸ் பக்கத்தில் பதிவிட்டுட்டள்ள கமேனி, ஈரான் இஸ்ரேலை வென்றதாகத் தெரிவித்துள்ளார்.
அமெரிக்க B2-குண்டுவீச்சாளர்கள் அணுசக்தி தளங்களை சேதப்படுத்தியதாக கமேனி ஒப்புக்கொண்டார், ஆனால் அதிகம் பாதிக்கவில்லை. “சியோனிச ஆட்சி முற்றிலுமாக அழிக்கப்படும்” என்று அஞ்சியதால் மட்டுமே அமெரிக்கா போரில் தலையிட்டதாக அவர் கருத்து தெரிவித்துள்ளார்.
இருப்பினும், இந்தப் போரினால் அமெரிக்கா குறிப்பிடத்தக்க எதையும் சாதிக்க முடியாது என்று அவர் கூறினார்.
திங்களன்று கத்தாரில் உள்ள ஒரு அமெரிக்க தளத்தின் மீது ஈரானிய ஏவுகணைத் தாக்குதல் நடத்தியதை வெளிப்படையாகக் குறிப்பிடுகையில், “இஸ்லாமிய குடியரசு வெற்றி பெற்றது, பதிலடி கொடுக்கும் விதமாக, அமெரிக்காவின் முகத்தில் அறைந்தது,” என்று அவர் கூறினார்.
இஸ்ரேலியப் படைகள் தெஹ்ரானை மீது தாக்குதலை தொடங்கிய நிலையில் 12 நாள் போரின் போது கமேனி ஒரு ரகசிய இடத்தில் தங்கவைக்கப்பட்டார்.
இந்த நிலையில் இன்று அவர் ஈரானிய அரசு தொலைக்காட்சியில் பதிவு செய்யப்பட்ட வீடியோ ஒளிபரப்பு மூலம் தேசத்திற்கு உரையாற்றினார்.
ஜூன் 19 ஆம் தேதிக்குப் பிறகு தனது முதல் பொதுத் தோற்றத்தை தனது 10 நிமிடங்களுக்கும் மேலான உரையின் மூலம் அவர் வெளிப்படுத்தினார்.
86 வயதான கமேனி, குறிப்பிடத்தக்க வகையில் சோர்வாகவும், கரகரப்பான குரலுடனும், அவ்வப்போது தனது உரையில் தடுமாறும் விதமாகவும் தோன்றினார்.
