இந்தியாவிற்கு எதிரான தாக்குதல்களில் பாகிஸ்தான் பயன்படுத்திய ட்ரோன்களை துருக்கி வழங்கியது. மேலும், அஜர்பைஜான் பாகிஸ்தானுக்கு ஆதரவளித்துள்ளது. எனவே, இந்த இரண்டு நாடுகளிலிருந்தும் இறக்குமதி செய்யப்படும் பொருட்களுக்கு மத்திய அரசு தடை விதிக்க வேண்டும் என்று நாடு முழுவதும் உள்ள வர்த்தகர்கள் கோரிக்கை விடுத்து வருகின்றனர்.
இந்த சூழலில் ஆசியாவின் மிகப்பெரிய பழம் மற்றும் காய்கறி சந்தையான வடக்கு டெல்லியின் ஆசாத்பூர் மண்டி, துருக்கியில் இருந்து ஆப்பிள் இறக்குமதியை நிறுத்த முடிவு செய்துள்ளது.
ஏற்கனவே மகாராஷ்டிரா மாநிலம் புனே-வைச் சேர்ந்த பழ வியாபாரிகள் துருக்கி ஆப்பிள் இறக்குமதியை புறக்கணிக்கப்போவதாகக் கூறியுள்ளனர். இந்த நிலையில் ஆசாத்பூர் மண்டியிலும் துருக்கி ஆப்பிள்கள் இறக்குமதியை நிறுத்த முடிவெடுக்கப்பட்டுள்ளது.
துருக்கியிலிருந்து ஆப்பிள் இறக்குமதி செய்வதை நிறுத்த முடிவு செய்துள்ளோம். முன்கூட்டிய ஆர்டர் செய்யப்பட்ட பொருட்கள் இன்னும் வந்து கொண்டிருக்கின்றன. ஆனால் ஆசாத்பூர் மண்டி தலைவர் மீட்டா ராம் கிருப்லானி, இனி ஆப்பிள் அல்லது பிற விளைபொருட்களின் வர்த்தகம் இருக்காது என்று கூறினார்.
எதிர்காலத்தில் புதிய ஆர்டர்கள் எதையும் வைக்கப் போவதில்லை. ஆசாத்பூர் மண்டி நீண்ட காலமாக துருக்கிய ஆப்பிள்களை விரும்புகிறது. 2024 ஆம் ஆண்டில், 1.16 லட்சம் டன் ஆப்பிள்கள் இறக்குமதி செய்யப்பட்டன. இருப்பினும், இந்தியா மீதான துருக்கியின் அணுகுமுறையும் சமீபத்திய முன்னேற்றங்களும் ஏமாற்றத்தையே அளித்துள்ளன என்று அவர் கூறினார்.
வரும் மாதங்களில் ஆப்பிள்களை இறக்குமதி செய்வதற்கு மாற்று சப்ளையர்களைக் கண்டறிய திட்டங்கள் தயாரிக்கப்பட்டு வருவதாகவும் அவர் கூறினார்.
துருக்கியப் பொருட்களின் இறக்குமதியைத் தடை செய்யக் கோரி டெல்லி முழுவதும் வர்த்தகர்கள் போராட்டம் நடத்தி வருகின்றனர். இந்தியா மீதான துருக்கியின் சமீபத்திய அரசியல் நிலைப்பாடு ஏற்றுக்கொள்ள முடியாதது என்றும், தேசிய உணர்வுகளைப் புண்படுத்தியுள்ளது என்றும் டெல்லி வணிக சங்கங்கள் தெரிவித்துள்ளன.
இந்தியாவிற்கு எதிரான தாக்குதல்களில் பாகிஸ்தான் பயன்படுத்திய ட்ரோன்களை துருக்கி வழங்கியது. மேலும், அஜர்பைஜான் பாகிஸ்தானுக்கு ஆதரவளித்துள்ளது. எனவே, இந்த இரண்டு நாடுகளிலிருந்தும் இறக்குமதி செய்யப்படும் பொருட்களுக்கு மத்திய அரசு தடை விதிக்க வேண்டும் என்று வர்த்தகர்கள் துறையினர் கோரிக்கை விடுத்திருந்தனர்.
கூடுதலாக, இந்த இரண்டு நாடுகளிலிருந்தும் சுற்றுலாவுக்கு கட்டுப்பாடுகளை விதிக்க சமூக ஊடகங்களில் ஒரு பிரச்சாரம் தொடங்கப்பட்டுள்ளது. மறுபுறம், துருக்கியிலிருந்து இந்தியாவிற்கு முக்கிய விநியோகங்களாக இருக்கும் ஆப்பிள்கள் மற்றும் பளிங்குக் கற்களை வர்த்தகர்கள் புறக்கணிக்கத் துவங்கியுள்ளனர்.
