பாகிஸ்தானின் வான் பாதுகாப்பு அமைப்பை இந்தியா தகர்த்துவிட்டதாகக் கூறப்படுகிறது.
இதையடுத்து லாகூர் மற்றும் அதைச் சுற்றியுள்ள பகுதிகளில் ஆளில்லா விமான வெடிப்புகள் மற்றும் வான்வெளியில் ஊடுருவல் ஏற்பட வாய்ப்புள்ளதாக தகவல்கள் வெளியாகியுள்ளதால், பாகிஸ்தானில் வசிக்கும் அனைத்து ஊழியர்களையும் அமெரிக்க குடிமக்களையும் பாதுகாப்பான இடங்களுக்குச் செல்லுமாறு லாகூரில் உள்ள அமெரிக்க துணைத் தூதரகம் உத்தரவிட்டுள்ளது.
லாகூரின் பிரதான விமான நிலையத்தை ஒட்டியுள்ள சில பகுதிகளை அதிகாரிகள் காலி செய்யக்கூடும் என்ற தகவல்களும் துணைத் தூதரகத்திற்கு கிடைத்துள்ளன.
தாக்குதலுக்கு உள்ளாகக்கூடிய மண்டலத்தில் இருக்கும் அமெரிக்க குடிமக்கள் முடிந்தவரை பாதுகாப்பாக வெளியேற வேண்டும் என்று தூதரகம் தெரிவித்துள்ளது. வெளியேறுவது பாதுகாப்பாக இல்லாவிட்டால், அவர்கள் பாதுகாப்பான இடத்தில் தங்க வேண்டும் என்று அறிவுறுத்தியுள்ளது.
லாகூரில் உள்ள இந்த வான்பாதுகாப்பு அமைப்பை தகர்த்த இந்தியாவின் நடவடிக்கைக்குப் பிறகு, பாகிஸ்தான் எல்லைக் கட்டுப்பாடு கோடு மீது துப்பாக்கிச் சூடு நடத்துவதை நிறுத்தியுள்ளதாகக் கூறப்படுகிறது.
இருப்பினும், பஹல்காம் பயங்கரவாத தாக்குதலுக்கு பதிலடி கொடுக்கும் வகையில் இந்தியாவின் ஆபரேஷன் சிந்தூர் தொடர்ந்து நடைபெற்று வருகிறது.
காஷ்மீரில் நடந்த கொடூரமான பயங்கரவாத தாக்குதலையும், அப்பாவி பொதுமக்கள் கொல்லப்பட்டதையும் ஐரோப்பிய ஒன்றியமும் (EU) அதன் 27 உறுப்பு நாடுகளும் கண்டித்துள்ளன.
அதேவேளையில், பதற்றத்தைக் குறைக்குமாறு பாகிஸ்தானிடமும் இந்தியாவிடமும் ஐரோப்பிய ஒன்றியம் வேண்டுகோள் விடுத்துள்ளது.
