சென்னை: விமானத்தில் இருந்தவாறே சென்னை சேப்பாக்கம் கிரிக்கெட் மைதானத்தை போட்டோ எடுத்து தமது டுவிட்டரில் பிரதமர் மோடி பதிவிட்டு உள்ளார்.
பல்வேறு திட்டங்களுக்கு அடிக்கல் நாட்ட பிரதமர் மோடி இன்று சென்னை வந்தார். நேரு உள் விளையாட்டரங்கில் இருந்து ரூ. 8,126 கோடி திட்டங்களை தொடங்கி வைத்தார். பின்னர், மத்திய அரசின் செயல்பாடுகள் குறித்து விரிவாக உரையாற்றினார்.
பின்பு சென்னையில் இருந்து கேரளாவின் கொச்சி நகருக்கு விமானத்தில் பிரதமர் மோடி புறப்பட்டார். சென்னை வருகை குறித்து தமது ட்விட்டர் பக்கத்தில் நன்றி சென்னை, சிறப்பான வரவேற்பால் அகமகிழ்ந்தேன் என்று என தமிழில் பதிவிட்டார்.
பின்பு விமானத்தில் இருந்தபடியே சேப்பாக்கம் கிரிக்கெட் மைதானத்தின் போட்டோவை பகிர்ந்த மோடி, வானில் இருந்தபடியே சென்னையில் நடைபெறும் இந்தியா – இங்கிலாந்து இடையிலான சுவாரசியமான டெஸ்ட் போட்டியை கண்டேன் என்று பதிவிட்டுள்ளார்.