ஏர்திங்ஸ் மாஸ்டர் செஸ் போட்டியில் உலகின் முதல் நிலை செஸ் வீரரான நார்வே நாட்டைச் சேர்ந்த மஃக்னஸ் கார்ல்சனை, 16 வயது இந்திய கிராண்ட் மாஸ்டர் பிரக்ஞானந்தா தோற்கடித்தார்.
16 பேர் கலந்து கொண்ட இந்த போட்டியின் எட்டு சுற்றுகள் இதுவரை முடிவடைந்துள்ளது நேற்று நடைபெற்ற போட்டியில் 31 வயதான மஃக்னஸ் கார்ல்சனை 39 வது நகர்த்தலில் பிரக்ஞானந்தா வெற்றிபெற்றார்.
ஆன்லைனில் நடைபெற்ற இந்த போட்டியில் இதுவரை 2 வெற்றி, 2 டிரா, 4 தோல்வி மூலம் 8 புள்ளிகளை எடுத்து 12 வது இடத்தில் உள்ளார் பிரக்ஞானந்தா.
இன்னும் 7 சுற்றுகள் பாக்கி இருக்கும் இந்த போட்டியில் 19 புள்ளிகளுடன் ரஷ்ய வீரர் இயன் நிபோமிநியாச்சி முன்னிலையில் உள்ளார்.
உலகின் முதல் நிலை வீரரை எதிர்த்து 16 வயது இந்திய கிராண்ட் மாஸ்டர் பிரக்ஞானந்தா பெற்ற வெற்றி குறிப்பிடத்தக்க வெற்றியாக அமைந்துள்ளதால், அடுத்து வரும் போட்டிகளில் பிரக்ஞானந்தா மீது கவனம் திரும்பியுள்ளது.