” மொபைல் மூலம் எச்.ஐ.வி. வைரஸ் தொற்றை அறியலாம் ”- ஆராய்ச்சியாளர்கள்

குறைந்த விலையில் சிறிய அளவிலான கருவியை மொபைலுடன் இணைத்து ஹெச்.ஐ.வி. வைரஸைக் அறியலாம்.

ஹெச்.ஐ.வி. எய்ட்ஸ் உலக அளவில் மருத்துவத்துறைக்கு சவாலாக இருக்கும் நோய். குறிப்பாக, சுகாதாரக் கட்டமைப்பு வசதி குறைபாடும் தேர்ச்சி பெற்ற மருத்துவர்களின் போதாமையும் கொண்ட நாடுகளில் இந்நோய் அதிகமாக ஏற்படுகிறது.

hiv

இந்நிலையில் அமெரிக்காவின் பிரிங்காம் மருத்துவமனைச் சேர்ந்த ஆராய்ச்சியாளர்கள் செல்போனுடன் நானோ தொழில்நுட்பத்தைத் தொடர்புபடுத்தி, மொபைல் மூலமே ஹெச்.ஐ.வி. வைரஸ் தொற்றைக் கண்டறிய முடியும் என தங்கள் ஆய்வு மூலம் கூறியுள்ளனர்.

நேச்சர் கம்யூனிகேஷன்ஸ் என்ற இதழில் வெளியாகியுள்ள அவர்களது ஆய்வுக் கட்டுரை குறைந்த விலையில் சிறிய அளவிலான கருவியை மொபைலுடன் இணைத்து ஹெச்.ஐ.வி. வைரஸைக் அறியலாம் என்று குறிப்பிடப்பட்டுள்ளது.

சாதாரண வைரஸ் கண்டறியும் முறையில் பாலிமெரேஸ் சங்கிலித் தொடர் நிகழ்வு பயன்படுகிறது. ஆனால், நானோ தொழில்நுட்பத்தை பயன்படுத்துவதால் ஒரு மைக்ரோ சிப், மொபைல்போன் மற்றும் அதனுடன் இணைக்கப்படும் 3D பிரிண்டர் ஆகியவை மூலம் ஒரு துளி ரத்தத்தை மட்டும் வைத்து ஹெச்.ஐ.வி. தொற்றை அறியலாம் என்கிறது இந்த ஆய்வு.