ஏர்செல் மேக்சிஸ் வழக்கில் ப.சி., கா.சி.யை கைது செய்ய தடை மேலும் நீட்டிப்பு

டில்லி:

ர்செல்- மேக்சிஸ் வழக்கில் முன்னாள் மத்திய அமைச்சர் ப.சிதம்பரம், அவரது மகன் கார்த்தி சிதம்பரத்தை கைது செய்ய விதிக்கப்பட்ட தடை மேலும் நீட்டிக்கப்பட்டு உள்ளது.

சட்ட விரோத பண பரிவர்த்தனை முறைகேடு புகார் காரணமாக முன்னாள் மத்திய நிதி அமைச்சர் ப.சிதம்பரம் மற்றும் அவர் மகன் கார்த்தி சிதம்பரம் மீது சிபிஐ வழக்கு பதிவு செய்து விசாரணை நடத்தி வருகிறது.

இந்த வழக்கில், அவர்கள்மீது குற்றப்பத்திரிகை தாக்கல் செய்யப்பட்டுள்ள நிலையில், முன்ஜாமின் இருவர் தரப்பில் மனு தாக்கல் செய்யப்பட்டது. இந்த மனுமீது விசாரணை நடத்திய சிபி நீதிமன்றம், ப.சி மற்றும் அவரது மகன் கா.சி.யை கைது செய்ய தடை விதித்துள்ளது.

இந்த மனுக்கள் மீதான விசாரணை பல முறை நடைபெற்று வந்த நிலையில், ஒவ்வொரு முறையும் அவர்களின் கைது தடை நீட்டிக்கப்பட்டே வருகிறது. ஏற்கனவே கடந்தாவிசாரணையின்போதும், அவர்களை கைது செய்வதற்கான தடை டிசம்பர் 18ந்தேதி வரை நீட்டிக்கப்பட்ட நிலையில், வழக்கு இன்று மீண்டும் விசாரணைக்கு வந்தது.

அப்போது,  சிபிஐ தரப்பில் கூடுதல் ஆவணங்கள் தாக்கல் செய்யப்பட்டன. மேலும் சிலரை வழக்கில் சேர்ப்பதற்கு மத்திய அரசிடம் அனுமதி பெற வேண்டியிருப்ப தால் வழக்கை ஒத்திவைக்க வேண்டும் என கேட்டுக்கொள்ளப்பட்டது.

இதைத்தொடர்ந்து வழக்கை விசாரித்து வந்த பாட்டியாலா நீதிமன்றம், வழக்கின் அடுத்த விசாரணையை  ஜனவரி 11ம்தேதிக்கு வைத்தும், அதுவரை  ப.சிதம்பரம் மற்றும் கார்த்தி சிதம்பரத்தை கைது செய்யக்கூடாது என உத்தரவிட்டது.

இந்த கட்டுரையைப் பற்றி உங்கள் கருத்துகளை பதிவு செய்யவும்


Tags: AircelMaxisCase, KartiChidambaram, PChidambaram, ஏர்செல்- மேக்சிஸ் வழக்கு!! அமலாக்க துறை மேல்முறையீடு, கார்த்தி சிதம்பரம், ப.சிதம்பரம்
-=-