ஆர்எஸ்எஸ் நிர்வாகி உள்பட 4 பேர் ராஜ்யசபா உறுப்பினர்களாக நியமனம்: ஜனாதிபதி அறிவிப்பு

டில்லி:

பாராளுமன்ற ராஜ்யசபாவுக்கு இன்று 4 பேரை நியமன எம்.பி.க்களாக குடியரசு தலைவர் ராம்நாத் கோவிந்த் நியமனம் செய்துள்ளார்.

ஆர்.எஸ்.எஸ். சிந்தனையாளரான ராகேஷ் சின்ஹா, பா.ஜ., முன்னாள் எம்.எல்.ஏ. ராம் ஷக்கால்,  பாரம்பரிய கலைஞரான சோனல் மான்சிங், கல் கலைஞர் ரகுநாத் மஹாபத்ரா ஆகியோர்  ராஜ்யசபா உறுப்பினர்களாக நியமிக்கப்பட்டுள்ளனர்.

பிரதம மந்திரி நரேந்திர மோடியின் ஆலோசனையின் பேரில் குடியரசுத் தலைவர் ராம்நாத் கோவிந்த் இந்த நியமனங்களை செய்துள்ளதாக கூறப்படுகிறது.

உ.பி. மாநில பாஜ உறுப்பினர் ராம் ஷக்கால்

தலித் சமூகத்தின் நல்வாழ்வு மற்றும் நல்வாழ்விற்காக தனது வாழ்வை அர்ப்பணித்துள்ள உத்திரப் பிரதேசத்தின் ஒரு பிரபலமான மக்கள் தலைவர் ராம் ஷக்கால் என்று அறவிக்கப்பட்டுள்ளது. உத்தரபிரதேசத்தில் இன்று மோடி தேர்தல் பிரசாரம் தொடங்க உள்ள நிலையில் இந்த அறிவிப்பு வெளியிடப்பட்டுள்ளது.

ராம்ஷக்கல்  உத்தரபிரதேச மாநிலத்தின் ராபர்ட்ஸ்கஞ்ச் தொகுதியில் போட்டியிடும் மக்களவைத் தேர்தலில் அவர் மூன்று முறை உறுப்பினராக உள்ளார்.

மற்றொருவரான  ராகேஷ் சின்ஹா என்பவர் ஆர்எஸ்எஸ் இயக்கத்தை சேர்ந்தவர் என்பதும், டில்லியை சேர்ந்த சிந்தனை-தொட்டி இந்தியா கொள்கை அறக்கட்டளை  (Delhi-based think-tank India Policy Foundation)  நிறுவனத்தின் நிறுவனர் மற்றும் கவுரவ இயக்குநர் என்று கூறப்பட்டுள்ளது. டில்லி பல்கலைக் கழகத்தின் மோதிலால் நேரு கல்லூரியில் பேராசிரியராகவும், இந்திய சமூக சமுதாய ஆராய்ச்சி கழகத்தின் (ICSSR) உறுப்பினராகவும் உள்ளார்.

3வது நபரான சோனல்  மான்சிங் முன்னணி இந்திய பாரம்பரிய நடன கலைஞராவார். இவர்  ஆறு தசாப்தங்களுக்கும் மேலாக பரதநாட்டியம் மற்றும் ஒடிசி நடனங்களை கற்பித்து வருகிறார். உலகம் முழுவதும்  நன்கு அறியப்பட்ட நடன, ஆசிரியர், பேச்சாளர் மற்றும் சமூக ஆர்வலர்.

ரகுநாத் மஹபத்ரா பிரபல கல் சிற்ப கலைஞர். இவர் சர்வதேச அளவில் புகழ்பெற்றவராவார்.  பாரம்பரிய சிற்பம் மற்றும் பண்டைய நினைவுச்சின்னங்களைப் பாதுகாப்பதற்கும் பங்களித்துள்ளார். மேலும் பூரி, ஸ்ரீ ஜகன்னாதா கோயிலின் அழகிய வடிவமைப்பிலும் பங்குபெற்றவர்.

இவருடைய படைப்பு  பாராளுமன்ற மத்திய மண்டபத்தில் அமைந்துள்ள சாம்பல் நிறத்திலான சூரியன் சிலை என்பது குறிப்பிடத்தக்கது. மேலும் பாரிஸ் நகரில் அமைந்துள்ள புத்தர் கோவிலில் மரத்திலான புத்தர் சிலையை செதுக்கியவரும் இவரே.

இவர் இதுவரை 2000 மாணவர்களுக்கு மேல் சிற்பகலை குறித்து  பயிற்சி அளித்துள்ளார்.




English Summary
Former BJP Lawmaker Among 4 Nominated For Rajya Sabha By President, RSS ideologue Rakesh Sinha, classical dancer Sonal Mansingh and stone artist Raghunath Mohapatra were among those nominated.