சசிகலாவை பார்க்க வேண்டுமென்றால் ஆதார் அட்டை அவசியம்!

Must read

சிறைகளில் அடைக்கப்பட்டுள்ள தண்டனை மற்றும் விசாரணை கைதிகளை காண  வருபவர்கள், கட்டாயம் ஆதார் அடையாள அட்டையை காண்பிக்க வேண்டும் என்ற மத்திய  அரசின் உத்தரவை முழுமையாக செயல்படுத்த கர்நாடகா மாநில அரசு முடிவு செய்துள்ளது.

இதையடுத்து  பெங்களூரு பரப்பன  அக்ரஹாரா, பெலகாவி மாவட்டத்தில் உள்ள இண்டல்கா, பல்லாரி, மைசூரு ஆகிய   மத்திய சிறைச்சாலைகளில் துவங்கி  சிறிய சிறைச்சாலைகள் வரை அனைத்து சிறை  கண்காணிப்பாளர்களுக்கும் கர்நாடக  டிஜிபி ஒரு சுற்றறிக்கை  அனுப்பியுள்ளார்.

அதில் ‘‘சிறையில் உள்ள  கைதிகளை காண வருபவர்களின் ஆதார் அட்டை வாங்கி அதன் எண்ணை  வருகை பதிவேட்டில் குறிப்பிட வேண்டும்” என்று தெரிவிக்கப்பட்டுள்ளது.

ஆகவே, இனி பெங்களூரு பரப்பன அக்ரஹார சிறையில் அடைக்கப்பட்டுள்ள சசிகலா, இளவரசி, சுதாகரனை பார்க்க வேண்டும் என்றாலும், ஆதார் அட்டை அவசியம் தேவை என்று கர்நாடக காவல்துறை உயர் அதிகாரிகள் தெரிவித்துள்ளனர்.

Support patrikai.com

பத்திரிக்கை டாட் காம் இணையதள செய்திகளை அதிகளவு விரும்பி படிப்பதற்கு நன்றி. சிறந்த முறையில் செய்திகளை தொடர்ந்து வழங்க பத்திரிக்கை டாட் காம் குழுவிற்கு உங்கள் நிதிப் பங்களிப்பை வழங்கி ஆதரவளிக்குமாறு கேட்டுக்கொள்கிறோம். தொடர்ந்து பல்வேறு கோணங்களில் செய்திகளை வழங்கவும், பதிவு செய்யப்படாத அரிய செய்திகளை ஆவணப்படுத்தவும் உங்கள் நன்கொடை உதவிகரமாக இருக்கும் என்பதில் எந்த ஒரு ஐயப்பாடும் இல்லை.

More articles

Latest article