நட்சத்திர வெடிப்பில் தோன்றிய ’கடவுளின் கை’ – விண்ணில் நிகழ்ந்த அதிசயம்

விண்வெளியில் நட்சத்திர வெடிப்பின் போது தோன்றிய கை போன்ற புகைப்படத்தை நாசா பகிர்ந்துள்ளது. நாசா வெளியிட்டுள்ள அந்த புகைப்படம் ” வானத்தில் தோன்றிய கடவுளின் கை “ என குறிப்பிட்டு சமூக வலைதளங்களில் வைரலாகி வருகிறது.

gods

வானில் ஏராளமான அதிசயங்கள் கொட்டிக் கிடக்கின்றன. சில சமயம் நம் கற்பனையையும் மீறி, அற்புதங்கள் நிகழ்வது உண்டு. இதனை அறிந்து கொள்ள ஏராளமான நாடுகளின் செயற்கைக் கோள்கள் விண்ணில் வட்டமிட்டுக் கொண்டிருக்கின்றன.

அந்த வகையில் நாசா அனுப்பிய நுக்லியர் ஸ்பெக்ட்ரோஸ்கோபிக் தொலைநோக்கியான அர்ரே, தொலைதூர வானியல் நிகழ்வுகளை படம் பிடித்து புவிக்கு அவ்வபோது அனுப்பி வருகிறது. அந்த வகையில் இந்த தொலைநோக்கி எடுத்த சமீபத்திய புகைப்படத்தை நாசா வெளியிட்டுள்ளது.

அதில் கை போன்ற வடிவில் விண்பொருள் ஒன்று தென்படுகிறது. இதுகுறித்து விஞ்ஞானிகள் கூறுகையில், ஒரு நட்சத்திர வெடிப்பு ஏற்பட்டு அதன்மூலம் வெளியேறிய மாபெரும் மேக பொருட்கள் கை போன்ற வடிவை உருவாக்கியுள்ளன என விளக்கம் கொடுத்துள்ளனர்.

குறிப்பாக உயர் ஆற்றல் எக்ஸ்-கதிர்கள் நீள நிறத்திலும், குறைவான ஆற்றல் கொண்ட எக்ஸ்-கதிர்கள் சிவப்பு மற்றும் பச்சை நிறத்திலும் தெரிவதாகவும் ஆராய்ச்சியாளர்கள் கூறியுள்ளனர். இந்த நிகழ்வு ஒருபுறம் அறிவியலின் அதிசயமாக இருந்தாலும், சாதாரண மனிதர்கள் அதை ‘கடவுளின் கை’ என்றே குறிப்பிட்டு வருகின்றனர். வானத்தில் தோன்றிய கடவுளின் கை என்ற பெயருடன் சமூக வலைத்தளங்களில் நாசா அனுப்பிய புகைப்படம் டிரெண்டாக்கி வருகிறது.




English Summary
High-Energy X-ray View of 'Hand of God'